" U scopu di ssu prughjettu hè di dà à i prufessionali di a prevenzione in Corsica, un mezzu d'azzione per luttà contr'à a maladia. Speremu chè ssa canzona è ssu filmettu averanu una utilità, ch'elli ghjoveranu à mette u tema nant'à piazza publica perch'a ghjuventu ne parla senza piatassi è senza vergugnassi. S'ellu fà nasce a parolla, u discorsu o l'emuzione po esse chè l'avemu riesciutu. Scialatevila "

Ne vulia di vite sceme
Tene caru ad ogni bella
Esse merzu è po di l’Emme
Suchjà a mercia è po lu mele

Ne vulia di passi sgualtri
A corre le grande strade
Marchjà era di l’altri
Mischjà rospi a le mio fate

S.I.D.A. si d’amore
A morte si dà
S.I.D.A assassinu
D’amore si dà
S.I.D.A more

O Pedinella di l’amore
Ma chì era lu mio tortu
D’amavi à mille core
Di vulè campà più forte

Maladia vogliu à lu pettu
Di ssa pesta malandrina
Chì vulia tumbà l’afettu
Senza dalla medicina

R

Annacquaci lu mio sessu
E lu seiu tutt’intondu
Lava puru di l’eccessu
Lu m’instintu furibondu

Luce un sole di sighera
Frà li fiori sunieghju
Mi ne vogu a bonasera
E po vi lasciu u peghju