Sciringa
(L'Albinu)

Ci simu allevati inseme in lu stessu carrughju
Pensendu a l'avvene incù sogni zitelli
Ma oghje la tò strada ti porta versi u bughju
Un liguidacciu biancu ghje ùn micighju in le tò vene
Quella pulveretta bianca in'e lu sacchitellu
Durante una stonda ti facce sunnià
Eccu' induv'ellu hè u tò spiritu ribellu
A vita di le to mani l'hai lasciata cascà

Sappie chì sunnià poi sperà la vita,un'hè micca campalla

Ti disceti a matina filighendu in le to stacche
E quellu biglietacciu tù speri caccià
Ma sopr'a tutti li tuvoni di le to bracce
Un sai cuanti manghjioni si lascianu ingrassà
Un senti mancu i brioni di ùn populu decisu
Chì vole stringhje in le so mani l'avvene
Mà tù in le to mani ci stringhji una sciringa
Issu lacramentu chì marturieghja e to vene

Allinsigatu, incapiattu, ti lasci tùmbà

Tù chì porti l'avvene à l'aghu di a sciringa
Tù chì campi per tuttu cio ch'è artificciale
Mà aprilli s'occhji è supranisci a rimigna
Pianta d'ùn campà ch'e nant'un lettu d'ospidale
Fiancù a fiancù marchjeremu versi lu nostru avvene
E tù dinu dumani puderai brionà
Chì tandu sera sangue chì correra in le to vene
A vita l'hai ammanita ti ci poi aghjumillà

A'ssa manu tesa,contra à to morte,u spinu ùn li girà.