Tanti seculi suprani ci anu amparatu l’amore
E a forza di u core trà u sgardu di tant’anni
Tanti populi maiò anu bramatu e terre
Di un populu sinceru tutta a fede di li mei
Tanta ghjente innamurata di a terra sfurtunata
M’anu datu a passionne u sapè a tradizione
Ma stu tempu di a storia hè stampatu ind’a memoria
Quella d’ogni antinatu sintinella di u passatu
Eu sò u soffiu novu
Chì innalza la bandera
Chì rinvivisce a terra
L’abbrivu di u rinnovu
Sò a fiamma lucente
Di valore spente
Pè fà rinasce a celente
Ind’i core di a ghjente
Sò u lume cummunu
Accatizzatu da l’olmu
A sperenza d’esse unu
U sognu d’esse omu
Sò a spannata in celu
Di e vite sbucciate
Chì dà curagiu à quellu
Chì piglia strade dannate
Tanti secculi suprani ci anu amparatu l’amore
E a forza di u core trà u sgardu di tant’anni